Kinnig

Diwar berradur "stummadur dibaouez" e teu an anv STUMDI. Kompren a c'heller ivez "ti ar stummañ".

Staliet omp en ul lec'h hep e bar ha degemeret e vez bep bloaz un 200 stajiad bennak gant skipailh pedagogel Stumdi.

Skipailh Stumdi

Bez ez eus 12 goprad e Stumdi, 9 c'helenner en o zouez. Brudet eo Stumdi dreist-holl evit e stajoù hir (war 6 miz). Roet e vez d'an deraoudid rik trawalc'h a ziazezoù, dre skrid ha dre gomz, evit gallout goulenn postoù-labour divyezhek, pe evit mont en aotreegezh vrezhonek (talvoudekadur ar skiant-prenet gant Skol-Veur Roazhon II).

Aprouvet eo ar stummadur 6 miz-mañ hag a zo bet ijinet e veizad penn-da-benn gant skipailh Stumdi, hag ur gwir "VAMMENN" eo evit ar c'hoprerien o kinnig postoù-labour divyezhek (skolioù, magourioù, micherioù an embann, sekretourerezhioù, servijoù evit ar re gozh...).

Gant ar chemet-mañ (a-c'houde 21 bloavezh) e kinnig ivez Stumdi stajoù ur sizhunvezh, ur mizvezh pe diouzh an ezhomm.

Galvet eo Stumdi evit stummañ koskor an embregerezhioù, ar strollegezhioù lec'hiel, an tiez-kêr ha kement aozadur all, peurvuiañ e savadurioù an aozadurioù-mañ (deiziadur divizet a-gevret), peotramant e unan eus hon daou lec'h stummañ : Landerne (29) ha Plañvour (56).

STUMDI, un nebeud sifroù…
200 stajiad bep bloaz 21 bloavezh a skiant- prenet 12 goprad	2 staj hir (eus miz Gwengolo betek miz Meurzh – eus miz Genver betek miz Gouere) Stajoù ur sizhunvezh, en o zouez tri staj gant un tem : • Ur sizhunvezh e brezhoneg en Eusa (dre soubidigezh). • Dindan al loar gann : dizoloiñ glad istorel ha sevenadurel kêr-Landerne (e-pad festival Kann al Loar). • Ur sizhunvezh e gwenedeg (dizoloiñ glad istorel ha sevenadurel Bro Pouskorn).	+ stajoù e diabarzh an embregerezhioù + stajoù diouzh an ezhomm hag adlakaat a-live.